بِسْمِ ٱللَّهِ ٱلرَّحْمَٰنِ ٱلرَّحِيمِ
Меҳрибон ва раҳмли Аллоҳнинг номи билан бошлайман. (Аллоҳ таоло ўз китобини "бисмиллаҳ" билан бошлагани мусулмонларга ҳам ўрнак, улар ҳам доим ўз сўзларини ва ишларини "бисмиллаҳ" билан бошламоқлари лозим. Пайғамбар алайҳиссалом ҳадисларидан бирида: "Эътиборли ҳар бир иш "бисмиллаҳ" билан бошланмас экан, унинг охири кесикдир", деганлар. Яъни, баракаси бўлмайди, охирига етмайди.)
إِنَّآ أَعْطَيْنَٰكَ ٱلْكَوْثَرَ
Албатта, Биз сенга Кавсарни бердик.
فَصَلِّ لِرَبِّكَ وَٱنْحَرْ
Бас, Роббингга намоз ўқи ва жонлик сўй.
إِنَّ شَانِئَكَ هُوَ ٱلْأَبْتَرُ
Албатта, сени ёмон кўриб, айбловчининг орқаси кесикдир.